Suriyada Əsəd rejiminə məxsus hərbi helikopter təlim uçuşu zamanı qəzaya uğrayıb. 

"Unikal" xəbər verir ki, Suriyanın rəsmi xəbər agentliyi SANA helikopterin qəzaya uğradığını açıqlayıb.

Hərbi helikopterin səhər saatlarında Həma şəhərində təlim uçuşu həyata keçirdiyi bildirilib.

Uçuş zamanı helikopterdə texniki nasazlığın olduğu açıqlanıb. Pilot və uçuş heyətinin həyatını itirdiyi də bildirilib. Helikopterdə neçə nəfərin olduğu barədə məlumat paylaşılmayıb.