Xorvatiyada sərnişin və yük qatarının toqquşması nəticəsində azı 6 nəfər ölüb.

"Unikal" xəbər verir ki, qəza Novsk şəhəri yaxınlığında baş verib. Sərnişin qatarı Vinkovtsy-Novsk marşrutu ilə hərəkət edib. İlkin məlumatlara görə, qatarların toqquşmasına səbəb sərnişin qatarının qadağan siqnalına keçməsi ola bilər. Ehtimal olunur ki, sürücü gözlənilməz vəziyyətdə vaxtında qərar qəbul edə bilməyib. Hadisə yerində fövqəladə hallar xidmətinin əməkdaşları çalışır. Avtomobillərin bəziləri zərbədən deformasiyaya uğrayıb.

Xorvatiyanın Baş naziri Andrey Plenkoviçin bir neçə nazirlə qəza yerinə getdiyi qeyd edilir. İlkin məlumata görə, sərnişin qatarının maşinisti və konduktoru da daxil olmaqla 6 nəfər həlak olub. Qurbanların sayı dəqiqləşdirilir. Qatarların toqquşmasına səbəb olan hallar müəyyənləşdirilir.