Abşeron rayonu, Xırdalan şəhəri, AAAF Park Yaşayış Kompleksində çoxmərtəbəli yaşayış binasında mənzildə baş verən partlayışla əlaqədar TƏBİB-in tabeliyindəki Abşeron Rayon Mərkəzi Xəstəxanasının Təcili və Təxirəsalınmaz Tibbi Yardım briqadaları hadisə yerinə cəlb olunub.

"Unikal" xəbər verir ki, bu barədə TƏBİB-dən məlumat verilib.  Bildirilib ki, ilkin məlumata görə, 3-ü uşaq olmaqla 4 nəfər xəsarət alıb. Xəsarət alanlar Nərimanov Tibb Mərkəzinin Yanıq şöbəsinə yerləşdirilib. Onların hər birinə zəruri tibbi xidmətlər göstərilib.

Tibb müəssisəsində müalicəsi aparılan cinsi qadın olan - 22 yaşlı B.N.-nın (III dərəcəli termiki yanıq diaqnozu) vəziyyəti ağır, cinsləri qadın olan - 7 yaşlı Ş.M, 4 yaşlı Ş.D. və cinsi kişi olan - 1 yaşlı Ş.Ö.-nün (hər biri II-III dərəcəli termiki yanıq diaqnozu ilə) vəziyyətləri isə orta ağır qiymətləndirilir.

xxx

21:51

Xəbər verdiyimiz kimi, Xırdalanda yaşayış binasında partlayış olub.

"Unikal" xəbər verir ki, hadisə nəticəsində 4 nəfər yaralanıb. Onlar xəstəxanaya aparılıblar. Partlayış zamanı yaxınlıqda olan avtomobillərə də ciddi ziyan dəyib.
İlkin ehtimala görə, hadisəyə səbəb qaz sızması olub.

xxx

21:40

Fövqəladə Hallar Nazirliyi (FHN) Xırdalanda baş verən yanğınla bağlı məlumat yayıb.

FHN-in mətbuat xidmətindən "Unikal"a bildirilib ki, AAAF parkda yanğın olması barədə "112" qaynar xəttinə məlumat daxil olub.
Nazirliyin Yanğından Mühafizə və Xüsusi Riskli Xilasetmə Xidmətinin əməkdaşları hadisə yerinə cəlb olunub.

Əlavə məlumat veriləcək.

xxx

21:31

Xırdalanda yaşayış binasında partlayış olub.

"Unikal" xəbər verir ki, hadisə AAF Park Yaşayış kompleksində olub. Əldə olunan məlumata görə, hadisə nəticəsində 4 nəfər yaralanıb. Onlar xəstəxanaya aparılıblar. 
İlkin ehtimala görə, hadisəyə səbəb qaz sızması olub.