Fransalı Stefani Frappart dünya çempionatının qrup mərhələsinin üçüncü turu çərçivəsində keçiriləcək Almaniya və Kosta-Rika matçına təyinat alıb və dünya çempionatında baş hakim kimi çalışacaq ilk qadın olacaq.

"Unikal" xəbər verir ki, bu barədə Beynəlxalq Futbol Federasiyasının (FİFA) mətbuat xidməti məlumat yayıb.

Frappartın artıq hazırkı dünya çempionatında təcrübəsi var.. O, bundan əvvəl Polşa və Meksika milliləri arasında qrup mərhələsinin ilk tur matçında (0:0) dördüncü hakim kimi fəaliyyət göstərib.

38 yaşlı Frappard Fransa liqası, ölkə kubokunun finalı, Çempionlar Liqası və Avropa Liqası matçlarına təyin olunan ilk qadın hakim olub və 2019-cu ildə UEFA Super Kuboku uğrunda İngiltərənin “Çelsi” və “Liverpul” matçında baş hakim kimi fəaliyyət göstərib.

Gültəkin