Avstriya hakimiyyəti Çin ərazisindən ölkəyə gələnlər üçün koronavirus üçün məcburi testlərin tətbiqi ilə bağlı qərar qəbul etməyə borcludur.

"Unikal" xəbər verir ki, Müxalif Sosial Demokrat Partiyasından olan deputat Kristian Doyç belə deyib. 

Onun sözlərinə görə, müvafiq tədbirlər Aİ -nin digər üzv dövlətləri ilə əlaqələndirilməlidir .

“Mütəxəssislər yeni variantların təhlükələri barədə xəbərdarlıq edirlər və Çindən gələn şəffaf məlumatların olmaması da çoxlarını narahat edir. Buna görə də hökumət təcili olaraq Çindən gələnlər üçün koronavirus testinin tətbiqini nəzərdən keçirməli və bunu digər Avropa ölkələri ilə əlaqələndirməlidir”, - Doyç qeyd edib.

Avstriyalı deputatın bildirdiyi kimi, Çində koronavirusla bağlı vəziyyət “nəzarətdən kənar”dır.

Daha əvvəl media Çexiyanın Aİ səviyyəsində Çində koronavirusla bağlı vəziyyətin müzakirəsinə təşəbbüs göstərdiyini xəbər vermişdi. Qeyd edildiyi kimi, Çexiya missiyası yanvarın 1-dən altı ay müddətinə Aİ-yə sədrlik statusunu alacaq İsveçlə yeni məhdudiyyətlərin tətbiqi ilə bağlı məsləhətləşmələr aparmağı planlaşdırır .