“Səyyar qəbul otağı” Hacıqabuldan sonra Saatlı rayonunun sakinləri üçün qurulub.

"Unikal" xəbər verir ki, aksiyada səslənən 14 müraciət arasında bəzi kəndlərin qazlaşdırılması istəyi üstünlük təşkil edib. Elə Samir Nəsirov mikrofon önündə 11 kəndin sakinləri adından çıxış edərək onların istəklərini tədbirdə iştirak edən Salyan RQİİ-nin rəhbər şəxslərinin diqqətinə çatdırıb. Bunlarla yanaşı, Soltanabad və Dəlilər kəndindən qatılan sakinlər də eyni istəklə müraciətlərini ünvanlayıblar. Digər müraciətlər arasında qapı keçidinin quraşdırılması, qaz xəttinin yerinin dəyişdirilməsi və fərdi yaşayış evlərinin qazlaşdırılması kimi məsələlər də yer alıb. Görüşdə ünvanlanan müraciətlər qeydə alınıb. Bəzi problemlərin araşdırılmasına qərar verilib.