Moskva Avstriya səfirliyinin dörd əməkdaşını Rusiyadan çıxarır, onlar fevralın 23-də günün sonuna qədər ölkəni tərk etməlidirlər.

"Unikal" xəbər verir ki, bu barədə Rusiya Xarici İşlər Nazirliyi məlumat yayıb.

Avstriyanın səfiri Verner Almhofer Rusiya Xarici İşlər Nazirliyinə çağırılıb və orada 4 rus diplomatının Vyanadan çıxarılmasına sərt etiraz edilib.

Xarici İşlər Nazirliyi bu qeyri-dost addımın ikitərəfli münasibətlərə, eləcə də özünü “qərəzsiz, neytral dövlət” kimi göstərmiş Vyananın beynəlxalq nüfuzuna ciddi zərbə vurduğunu bildirib

Xatırladaq ki, fevralın əvvəlində Avstriya dörd rus diplomatının ölkədən çıxarıldığını elan etmişdi. Rusiya səfirliyinin iki diplomatı və BMT-nin Vyanadakı daimi nümayəndəliyinin iki üzvü persona non qrata elan edilib .

Rusiyanın Vyanadakı səfiri Dmitri Lyubinski vurğulayıb ki, Avstriyanın rus diplomatlarını ölkədən çıxarması onun neytral ölkə statusuna xələl gətirir.