Təbrizdə qızlar məktəbində 20 şagird zəhərlənib.

"Unikal" xəbər verir ki, İran Tələbələr Xəbər Agentliyinin (İSNA) məlumatına görə, Şərqi Azərbaycan Təcili Yardım Mərkəzinin rəhbəri Əsgər Cəfəri məsələ ilə bağlı mətbuata məlumat verib.

"Təbrizin Bağmişeh rayonundakı bir məktəbdə oxuyan 15 yaşlı 20 şagird tənəffüs çətinliyi və nəfəs darlığı şikayətləri ilə Sinay Xəstəxanasına aparılıb", - Cəfəri bildirib. 

Onun sözlərinə görə, tələbələrin ümumi vəziyyəti yaxşıdır.