Ermənistan silahlı qüvvələrinin bölmələri Gorus rayonunun Dığ yaşayış məntəqəsi istiqamətində törətdiyi təxribat nəticəsində 4 hərbçisini itirib.

"Unikal" xəbər verir ki, bu barədə Ermənistan Müdafiə Nazirliyi açıqlayıb. 

Məlumata görə, daha 6 erməni hərbçi yaralanıb. 

Erməni KİV ölü sayının artacağı barədə açıqlamalar verir: "Meyit və yaralıların bir çoxu ərazidən çıxarılmayıb".

Yaralananlar arasında Ermənistan ordusunun xüsusi təyinatlı korpusunun komandiri Armen Gözəlyan da var.