Oktyabrın sonunda Azərbaycan prezidenti İlham Əliyev, Avropa İttifaqı Şurasının prezidenti Şarl Mişel və Ermənistanın baş naziri Nikol Paşinyanın görüşü baş tutmayacaq.

"Unikal" xəbər verir ki, bu barədə İrəvanda keçirilən foruma onlayn qatılan Aİ-nin Cənubi Qafqaz üzrə xüsusi nümayəndəsi Toivo Klaar bildirib.

Aİ-nin xüsusi nümayəndəsi buna səbəb kimi vaxtın azlığını göstərib: "Bizim məqsədimiz Qarabağ ermənilərinin öz evlərinə qayıtmasıdır. Əliyevin Qranada görüşündə iştirak etmədiyini nəzərə alaraq, biz indi Paşinyanla Əliyev arasında Brüsseldə görüş təşkil etməyə çalışırıq". 

O, prosesin ləng getməsinə baxmayaraq, tezliklə sülh müqaviləsinin imzalanmasına ümid etdiyini deyib. 

Gülayə Mecid