"Azərbaycanın onilliklər boyu davam edən problemi necə həll etməsi dünyada heyranlıqla qarşılanıb.

"Unikal" xəbər verir ki, bunu Siyasi Tədqiqatlar İnstitutunun direktoru Sergey Markov deyib. Rusiyalı ekspert Azərbaycan xalqını İkinci Qarabağ müharibəsində möhtəşəm, parlaq Qələbə münasibətilə təbrik edib:

"Bu, dünyada unikal hadisədir - Azərbaycanın nokautla qazandığı təmiz qələbədir. Azərbaycan tam, yüz faizlik, təmiz qələbə qazanıb. Bütün dünya Azərbaycanın onilliklər boyu davam edən problemi necə həll etməsini heyranlıqla qarşılayıb. İlham Əliyevin rəhbərliyi ilə Azərbaycan təkcə Qarabağı qaytarmayıb, eyni zamanda, Cənubi Qafqazda əsas ölkəyə çevrilib. Bütün bunlar Azərbaycan xalqının zəhməti və Azərbaycan əsgərinin igidliyinin nəticəsidir”.

Azərbaycan Müdafiə Nazirliyi şəxsi heyətinin Bakıda və respublikanın digər şəhərlərində, o cümlədən işğaldan azad edilmiş ərazilərdə yürüşlərindən bəhs edən S.Markov qeyd edib ki, bu, qaliblərin paradıdır: "Azərbaycan xalqı müzəffər xalqdır. Qələbə əhvali-ruhiyyəsi başqa sahələrdə də, o cümlədən iqtisadiyyatın inkişafında, mədəniyyət fenomenlərində də özünü göstərir. Siz hələ bunun şahidi olacaqsınız”.