Ermənistan Şimal-Cənub və Qərb-Şərq nəqliyyat marşrutlarının kəsişməsində birləşdirici halqa olmağa hazırdır.

"Unikal" xəbər verir ki, bunu Ermənistan xarici işlər nazirinin müavini Paruyr Hovhannisyan ikinci “Qlobal cənubun səsi” sammitində çıxışı zamanı deyib.

Ovannisyan Ermənistanın “Dünyanın kəsişməsi” layihəsinin təhlükəsizlik komponenti kimi əhəmiyyətini vurğulayıb. Hələ 2022-ci ildə Ermənistanın baş naziri Nikol Paşinyan bildirmişdi ki, ölkə hakimiyyəti “Şimal-Cənub” layihəsini yenidən formalaşdırıb və onu “Şimal-Cənub-Şərq-Qərb” proqramına çevirib. Nəticədə bu kəsişmə Ermənistanı İran və Azərbaycan, eləcə də Naxçıvan və Türkiyə ilə birləşdirəcək. Konsepsiyada nəzərdə tutulur ki, nəqliyyat blokunun açılmasından sonra respublika Şimal-Cənub və Şərq-Qərb istiqamətlərində bir əlaqəyə çevriləcək və həm İranın Aİİ-yə inteqrasiyası baxımından, həm də Çinin “Bir kəmər – bir yol”da mühüm rol oynaya bilər". 

Artıq 2023-cü ilin oktyabrında Ermənistanın baş naziri Nikol Paşinyan Tbilisidə erməni təşəbbüsünün son variantını – “Dünyanın kəsişməsi” layihəsini təqdim edib. Layihədə Ermənistan və Azərbaycan arasında danışıqların aparıldığı prinsiplər, xüsusən də onların ərazisindən keçən bütün rabitə və kommunikasiya marşrutları üzrə ölkələrin yurisdiksiyası prinsipi təkrarlanır.