ABŞ-nin Nevada ştatının Las-Veqas şəhərində ölkənin yeni seçilmiş prezidenti Donald Trampın 64 mərtəbəli “Trump International” otelinin qarşısında Tesla “Cybertruck” markalı elektrik maşınının partlaması nəticəsində 1 nəfər ölüb, 7 nəfər yaralanıb.
"Unikal" xəbər verir ki, bu barədə Las-Veqasın polis rəisi Kevin Makmahill Amerikanın əsas televiziya kanallarında yayımlanan mətbuat konfransında bildirib.
"Cybertruck otelin şüşə qapılarında dayandıqdan sonra nəqliyyat vasitəsindən tüstü çıxdığını gördük və daha sonra böyük partlayış oldu. Cybertruck-də olan şəxs həlak oldu", - deyə o bildirib."
