Cəlilabad rayonunda xəsarətlə nəticələnən yol qəzası baş verib. 

"Unikal"ın məlumatına görə, hadisə Ələt-Astara magistralının Cəlilabad rayonuna daxil olan hissəsində qeydə alınıb.

Belə ki, "Honda" markalı minik avtomobili ilə "Şevrolet" markalı minik avtomobili toqquşub. Qəza nəticəsində 1971-ci il təvəllüdlü Nəzakət Gəncəliyeva, 1961-ci il təvəllüdlü Fərman Cəfərov və 1980-ci il təvəllüdlü Seyfəddin Nəbiyev yaralanıb.

Yaralılar Cəlilabad Rayon Mərkəzi Xəstəxanasına çatdırılıb.

Faktla bağlı araşdırma aparılır. 

Xəlil Əliyev