Ötən gün, saat 21:30 radələrində, “BakuBus” MMC-nin istismarında olan 149 nömrəli müntəzəm marşrut xəttində sürücü ilə sərnişin arasında insident baş verib.

"BakuBus"dan "Unikal"ın sorğusuna cavab olaraq bildirilib ki, hadisə ilə bağlı araşdırma aparılıb:

"Araşdırma zamanı müəyyən olunub ki, sürücü Rəcəbov Xəyalət Azad oğlu tərəfindən qaydalar kobud şəkildə pozulub. Bu səbəbdən, əmək qanunvericiliyinə uyğun olaraq sürücünün işdən azad edilməsi barədə qərar qəbul edilib.

Baş vermiş hadisəyə görə sərnişinlərdən üzr istəyir və bu kimi halların təkrarlanmaması üçün bütün zəruri addımların atılacağına Sizi əmin etmək istərdik.

Fürsətdən istifadə edərək keyfiyyət standartlarını fəaliyyət prioriteti elan edən “BakuBus”ın bundan sonra da bu kimi hallara qarşı barışmaz olacağını bir  daha diqqətə çatdırır, sərnişinlərimizə müraciət edərək  bu kimi hallarla qarşılaşdıqları zaman bizə məlumat vermələrini xahiş edirik". 

***

12:38

Bakıda avtobusda mübahisə yaşanıb.

"Unikal"ın məlumatına görə, bu barədə görüntülər 149 nömrəli “Baku Bus” sərnişindaşıma avtobusunda lentə alınıb.

Belə ki, avtobus sürücüsü ilə sərnişin arasında mübahisə yaranıb.

Seymur Əli