Martın 9-da Misli Premyer Liqasında XXVI turun növbəti oyunu keçirilib.

"Unikal" xəbər verir ki, “Şamaxı” doğma meydanda “Sabah”ı qəbul edib. Görüş ev sahiblərinin 1:0 hesablı qələbəsi ilə yekunlaşıb.

Yeganə qolu 30-cu dəqiqədə Edqar Adilxanov vurub.

Bu nəticədən sonra xallarını 27-yə çatdıran bölgə təmsilçisi 7-ci sıradadır. Bakı klubu isə 34 xalla beşinci pillədə qalıb.

Günün ikinci matçında “Zirə” “Səbail”i qəbul edəcək. Qarşılamanın start fiti saat 17:30-da səslənəcək.

Xatırladaq ki, meydan sahibləri 48 xalla ikinci, “Dənizçilər” 18 xalla sonuncu - 10-cu yerdə qərarlaşıb.

Qeyd edək ki, ötən gün turun açılış oyununda "Qarabağ" "Araz-Naxçıvan"ı 3:1 hesabı ilə məğlub edib.

*** 09:29

Bu gün Misli Premyer Liqasının XXVI turunda daha iki oyun keçiriləcək.

"Unikal" xəbər verir ki, ilk olaraq "Şamaxı" "Sabah"ı qəbul edəcək.

Matç saat 15:00-da start götürəcək. Meydan sahibləri 24 xalla 7-ci, qonaqlar 34 xalla beşinci pillədə qərarlaşıb.

Günün ikinci görüşündə isə "Zirə" "Səbail"i sınağa çəkəcək. Qarşılaşma saat 17:30-da başlayacaq. "Qartallar" 48 xalla ikinci, "dənizçilər" 18 xalla sonuncu - 10-cu sıradadır.