"Rusiya prezidenti Vladimir Putin, Azərbaycan prezidenti İlham Əliyev və Ermənistanın baş naziri Nikol Paşinyan arasında imzalanmış üçtərəfli sazişlər mütləq aktuallığını qorumaqda davam edir. Bunu hər həftə təkrar edirik". 

"Unikal" xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə deyib. 

Onun sözlərinə görə, üçtərəfli formatda əməkdaşlığın tezliklə bərpası Cənubi Qafqazda sabit sülhün bərqərar olmasına töhfə verəcək: "Əlbəttə, biz azərbaycanlı və erməni tərəfdaşlarımıza iki ölkə arasında barışıq üçün bütün əsas məsələlərdə dəstək verməyə hazırıq. Rusiya Federasiyası, Azərbaycan və Ermənistan baş nazirlərinin müavinlərinin sədrlik etdiyi üçtərəfli işçi qrupu çərçivəsində nəqliyyat və iqtisadi kommunikasiyaların blokunun açılması ilə bağlı gözəl inkişaflarımız var. Bu sahədə demarkasiya və delimitasiya sahəsində ən yaxşı hesab edilən mütəxəssislərimiz arasında öz təcrübəmizi bölüşməyə hazırıq. Bizdə unikal kartoqrafik materiallar var, biz Ermənistan-Azərbaycan münaqişəsi illərində toplanmış humanitar məsələlərin həllinə kömək edə bilərik". 

Ağarza Elçinoğlu