Türkiyənin xarici işlər naziri Hakan Fidan ona qarşı sui-qəsd edildiyini ilk dəfə açıqlayıb.
"Unikal" xəbər verir ki, nazir bu barədə 24 TV-nin canlı efirində danışıb.
"4-5 il əvvəl mənə sui-qəsd olub. Mənə böyük dozada arsen və civə vurulub və bu, sonradan testlərdə özünü göstərdi", - deyə Fidan bildirib.
Bunu kimin etdiyi barədə məlumatın olub-olmaması ilə bağlı suala nazir belə cavab verib: "Gəlin təfərrüata varmayaq. Düşmən təkcə ölkə daxilində deyil, hər yerdə düşmən var".
Xatırladaq ki, o zaman Hakan Fidan Türkiyənin Milli İstihbarat Təşkilatının rəhbəri vəzifəsini tuturdu.
