Bu gün Nizami Kino Mərkəzində "Dönerse senindir filminin qala gecəsi keçirilib. 

Unikal.org-un lent.az-a istinadən məlumatına görə, qala gecəsinə Türkiyənin tanınmış müğənnisi Murad Boz da qatılıb. İfaçının gecəyə gəlişi böyük səs-küyə səbəb olub. M. Bozun pərəstişkarları onunla şəkil çəkdirmək istəyiblər. Amma fanatların bu istəkləri boşa çıxıb. Müğənni bunun əvəzində jurnalistlərin qarşına keçərək, ölkəmizdə olmaqdan məmnunluq duyduğunu dilə gətirib: "Çox şadam ki, bu gün mən də burdayam. Bu mənim Bakıya ilk səfərim deyil. Təqdim olunan filmdə mən də rol almışam. Yeni işıq üzü görən bu film eşqdən bəhs edir. Filmi bəyənəcəyinizə əminəm".

Onu da əlavə edək ki, M.Bozla birgə təqdimat mərasiminə tərəf müqabilləri İrem Sak və Yasemin Allen də qatılıb.

Qeyd edək ki, M.Boz 2014-cü ildə iki dəfə Bakıda qonaq olub. O, dekabrın 22-də Nizami Kino Mərkəzində "Hadi inşallah filminin qala gecəsinə qatılıb, martın 17-18-də isə Heydər Əliyev sarayında konsert vermişdi.