Bu gün müğənni Damlanın eks-həyat yoldaşının terrorçu olmağı barədə məlumat yayılıb. Bildirilib ki, Ceyhun Əliyev adlı şəxs Əbu Bəkr məscidinin partladılmasında ittiham edilərək həbs olunub. Hətta, sənətçinin qardaşının qruplaşma ilə əlaqəli olduğu və hazırda axtarışa verildiyi iddia edilib.

Unikal.org bu barədə qafqazinfo-ya istinadən xəbər verir ki, müğənni mətbuatda dərc edilən məlumatların yalan olduğunu deyib:

"Terror nədir? Allaha and olsun ki, belə bir şey yoxdur. Yazıda qeyd olunub ki, bu yaxınlarda boşanmışam. Mən 8-9 ildir həyat yoldaşımdan ayrılmışam. Qardaşım da axtarışda deyil. Bir şeyi düzgün yazıblar ki, Ceyhun Əliyev mənim keçmiş həyat yoldaşım olub.

Həbsxanadadır, ancaq terrorla bağlı tutulmayıb. Tamam başqa bir maddə ilə həbs olunub. Mənim oğlum saytları oxuyur, ona pis təsir edir. Oğlumun atası terrorçu deyil.

Qeyd edək ki, xəbəri ilk dəfə ölkə.az saytı yayıb.