Əsgərlərin çəkdiyi "selfielərin sosial şəbəkədə paylaşılması Rusiyanın Baş Qərargahını hərəkətə keçirib.

Unikal.org aznews.az-a istinadən xəbər verir ki, məxfiliyin pozulmasına yönəlmiş "selfie çəkimləri Rusiya ordusuna mənsub əsgərlərə qadağan edilib. Daha əvvəl Ukraynada və Suriyadakı əsgərlərin paylaşdıqları Rusiya birliyinin fotoşəkilləri müzakirə mövzusu olmuşdu. "Independent qəzetinin məlumatına görə, Rusiya ordusunun fotoşəkillər çəkməsini qadağan edən bir qanun hazırlanıb. Qanun fotoşəkillərin, videoların və digər sosial şəbəkədə olan paylaşımların düşmənə vacib məlumat verə biləcəyini əsas götürür. 

Qanunda bəzi şəkillərin çəkildiyi ərazinin, eləcə də hərbi birliklərin yerləşdiyi bölgənin rəqəmsal mühitdə ətraflı şəkildə aşkar edilməsinin mümkünlüyünə diqqət çəkilir.