Azərbaycanın əməkdar artist Ədalət Şükürov ailəsindən danışıb.

Unikal.org xəbər verir ki, müğənni "Lider maqazin"ə danışıb:

"Hamıya şəxsi həyat, bizim ailəmiz maraqlıdır. Amma bizim şəxsi həyatımıza daxil olmaq çətindir. Uşaqlarım istəmir ki, onları efirdə göstərsinlər. Qızım 4 il Azərbaycan Dillər Universitetində təhsil aldı, heç kim bilmədi kimin qızıdır. Həyat yoldaşım Azərbaycan Dövlət İqtisad Universitetində müəllimə çalışıb, orda da heç kim bilmədi ki, o, Ədalətin xanımıdır. İndi oğlum universitetdə oxuyur, amma yenə də bilmirlər kimin övladıdır. Qızımın 24, oğlumun 19 yaşı var. İstəyirəm onlar atalarına yox, özlərinə görə ad qazansınlar".