Xəbər verdiyimiz kimi, 24.07.2019-cu ildə axşam saatlarında təlim-məşq uçuşları keçirən Hərbi Hava Qüvvələrinin "Miq-29" təyyarəsinin Xəzər dənizində itkin düşən pilotu, polkovnik-leytenant Rəşad Atakişiyevin nəşi tapılıb.

Unikal.org xəbər verir ki, hazırda Silahlı Qüvvələrin Təlim-Tədris Mərkəzində mərhumla vida mərasimi keçirilib . 

Qeyd edək ki, vida mərasimində Müdafiə Naziri Zakir Həsənov, Müdafiə nazirinin müavini - Hərbi Hava Qüvvələrinin Komandanı general-leytenant  Ramiz Tahirov və digər  rəsmi şəxslər, ailə üzvləri də iştirak ediblər.

R.Atakişiyevin cənazəsi dəfn olunmaq üçün II Fəxri Xiyabanda aparılıb.