Arakəsmə quraşdırılmayan avtomobillərə fərqlənmə nişanı verilməyəcək.

Unikal.org xəbər verir ki, bu barədə Bakı Nəqliyyat Agentliyinin açıqlamasında bildirilir. 

Qeyd edilib ki, ictimai nəqliyyatda koronavirus infeksiyasının profilaktikasına dair metodiki göstərişə uyğun olaraq, minik avtomobilində şəffaf arakəsmə quraşdırılması mütləqdir.

Həmçinin, Nazirlər Kabinetinin 4 mart 2019-cu il tarixli qərarına əsasən, Bakı şəhərinin inzibati ərazisində sərnişin daşımalarını yerinə yetirən taksi minik avtomobilləri onlar üçün irəli sürülən standartlara və normativlərə uyğun olmalıdır.