Fransa PSJ-sinin futbolçusu Neymar Braziliya millisinin oyunlarında iştirak edə bilməyəcək.

Unikal.org xəbər verir ki, ulduz oyunçu zədə səbəbindən millinin DÇ-2022-nin seçmə mərhələsində Venesuela və Uruqvayla keçirəcəyi qarşılaşmaları buraxacaq. 

UEFA Çempionlar Liqasının qrup mərhələsinin III turunun Türkiyə "Başakşehir"i ilə matçında (2:0) bud əzələsi zədələnən Neymar noyabrın ikinci yarısında sıraya dönəcək.

Qeyd edək ki, Braziliya noyabrın 14-də Venesuela, noyabrın 18-də isə Uruqvayla qarşılaşacaq.