Tacikistan prezidenti İmaməli Rəhman ölkəsinin koronavirusa qalib gəldiyini söyləyib.

Unikal.org Rusiya KİV-ə istinadən xəbər verir ki, İmaməli Rəhman bu barədə parlamentdəki çıxışında danışıb. O, Tacikistanda bir müddətdir ki, COVID-19-a yoluxma hallarının müşahidə olunmadığını və faktların qeydə alınmadığını bildirib.

"Tacikistan koronavirusa tam qalib gəlib. Artıq bunu deyə bilərik", - deyə Tacikistan prezidenti bəyan edib.

Qeyd edək ki, rəsmi statistikada artıq iki həftədir bu Mərkəzi Asiya ölkəsində koronavirusa yoluxma sayı 0 olaraq göstərilir. Ekspertlər buna skeptik yanaşır və hesab edirlər ki, sadəcə yoluxmalar rəsmiləşdirilmir.