Rusiyalı məşhur idmançı Hacımurad Antiqulov Mahaçqalada saxlanılıb.

Unikal.org-un məlumatına görə, MMA döyüşçüsünün saxlanılmasına səbəb üzərində odlu silah gəzdirməsidir. 

Axtarış zamanı onun üzərində tapança aşkarlanıb. İdmançı ilə bağlı operativ əməliyyatların aparılmasının səbəbləri müəyyənləşdirilir.

Antiqulov 2020-ci ilin dekabrında qalmaqal salması ilə diqqət mərkəzinə düşüb. Dağıstandakı toyların birində içki verilməsə də, idmançı alkoqol içməyə qərar verib. Ona masanın üstündəki şüşəni yığışdırmaq deyilsə də, Hacımurad imtina edib və davaya başlayıb.

Qeyd edək ki, 2009-cu ildən əlbəyaxa döyüşlərdə qüvvəsini sınayır. 28 döyüşdə 20 qələbəsi olan idmançı UFC versiyasında çıxış edir.