Mariupol Dram Teatrının dağıntıları altında 1300-dən çox insan qalıb.

"Unikal" xəbər verir ki, bunu Ali Radanın insan hüquqları üzrə komissarı Lyudmila Denisova deyib.

"Bu vaxta kimi biz bilirik ki, hazırda 130 nəfər çıxarılıb, lakin bizim məlumatlara görə, bu zirzəmilərdə, bu bomba sığınacağında 1300-dən çox insan var. Onların hamısının sağ qalması üçün dua edirik, lakin hazırda onlar haqqında məlumat yoxdur", - Denisova bildirib.

O, əlavə edib ki, xilasetmə işləri davam edir, lakin hələlik başqa təfərrüatlar yoxdur.

Onun sözlərinə görə, şəhərdəki evlərin təxminən 70%-i zədələnib, bəzilərini bərpa etmək mümkün deyil ki, bu da çoxlu sayda ehtimal olunan qurbanlardan xəbər verir: "Əlbəttə ki, bütün infrastruktur dağıdılıb, humanitar yardımların köçürülməsi lazımdır, çünki insanlar 17 gündür zirzəmilərdə yeməksiz, çörəksiz, heç nəsiz oturublar. Ona görə də humanitar yardımın ötürülməsi ilə bağlı hələ də razılaşmanın olması son dərəcə vacibdir", - Denisova əlavə edib.

Qeyd edək ki, martın 16-da rusiyalı terrorçular Mariupoldakı Dram Teatrının ərazisinə havadan bomba atıblar. Partlayışdan sonra teatrın mərkəzi hissəsi dağılıb, dağıntılar əsasən qadın və uşaqların olduğu yüzlərlə insanın gizləndiyi binanın altında yerləşən bomba sığınacağına girişi bağlayıb. Davamlı atəşlər nəticəsində xilasedicilər xilasetmə işlərinə başlaya bilməyib.

Ağarza Elçinoğlu