ABŞ Şimali Koreyanın yeni nüvə sınağı keçirəcəyi təqdirdə ona qarşı əlavə sanksiyalar tətbiq edəcəyini açıqlayıb.

"Unikal" xəbər verir ki, ABŞ, Cənubi Koreya və Yaponiya rəsmiləri tərəfindən verilən açıqlamada Şimali Koreyanın təxminən 5 ildən sonra ilk nüvə sınağını tezliklə həyata keçirə biləcəyi bildirilib.

ABŞ-ın Birləşmiş Millətlər Təşkilatındakı (BMT) daimi nümayəndəsi Linda Tomas-Qrinfild Şimala qarşı hazırda qüvvədə olan sanksiyaların tətbiq edilməli olduğunu vurğulayıb və əgər Şimal növbəti nüvə sınağı keçirsə, “Biz cəhd etdiyimiz kimi, mütləq əlavə sanksiyalara təkan verəcəyik" ifadəsini işlədib.