"Biz NATO ilə Rusiya arasında müharibə istəmirik"

"Unikal" xəbər verir ki, bu sözləri Birləşmiş Ştatların Prezidenti Co Bayden deyib.

"NATO-nun şərq cinahını qüvvələr və ABŞ imkanları ilə gücləndirməyə davam etsə də Vaşinqton NATO ilə Rusiya arasında müharibəyə can atmır", - deyə Bayden bildirib.

"Putinlə razılaşmasam və onun hərəkətlərini qəzəbli hesab etsəm də, Birləşmiş Ştatlar Moskvada onun hakimiyyətdən uzaqlaşdırılmasına cəhd etməyəcək", -deyə Bayden "New York Times" qəzetinə məlumat verib:

"Birləşmiş Ştatlar və müttəfiqlərimizə hücum edilmədikcə, biz Amerika qoşunlarını Ukraynada döyüşmək üçün göndərməklə və ya Rusiya qüvvələrinə hücum etməklə birbaşa olaraq bu münaqişə ilə məşğul olmayacağıq", - deyə Bayden əlavə edib.

Aynurə Xudaverdiyeva