Rusiya prezidenti Vladimir Putin Dövlət Dumasının keçmiş deputatı, Rusiya tərəfindən işğal olunmuş Krımın keçmiş "prokuroru" Nataliya Poklonskayanı vəzifəsindən azad edib.

"Unikal" xəbər verir ki, müvafiq sərəncamı Rusiya prezidentinin mətbuat xidməti dərc edib.

"Nataliya Poklonskaya Müstəqil Dövlətlər Birliyi, xaricdə yaşayan həmvətənlər və beynəlxalq humanitar əməkdaşlıq (“Rossoprudniçestvo”) üzrə Federal Agentliyin rəhbərinin müavini vəzifəsindən azad edilsin. Fərman imzalandığı gündən qüvvəyə minir", - deyə sənəddə bildirilir.

Natalya Poklonskayanın 2011-ci ildə həyata keçirilən bir sui-qəsdin təfərrüatlarını açıqladığı üçün vəzifəsini itirdiyi qeyd olunur.

Gülayə Mecid