ABŞ Ticarət Departamenti, Vaşinqtonun fikrincə, ABŞ-ın milli təhlükəsizliyinə təhlükə yaradan aerokosmik sənaye ilə əlaqəli olanlar da daxil olmaqla, Çindən olan yeddi təşkilatı qara siyahıya salıb.
"Unikal" xəbər verir ki, müvafiq bildirişi ABŞ hökumətinin rəsmi sənədlər toplusunda yerləşdirilib.
“ABŞ hökuməti müəyyən edib ki, bu təşkilatlar ABŞ-ın milli təhlükəsizliyi və xarici siyasət maraqlarına zidd fəaliyyət göstərir”, - mətndə deyilir. ABŞ səlahiyyətliləri iddia edir ki, sözügedən Çin qurumları "Çinin hərbi modernləşdirmə səylərini dəstəkləmək üçün ABŞ istehsalı olan mallar alıb və almağa cəhd ediblər".
Siyahıya Çin Aerokosmik Elm və Texnologiya Korporasiyasının iki tədqiqat institutu, Çin Kosmik Texnologiyalar Akademiyasının iki tədqiqat institutu, Çin Elektron Texnologiya Korporasiyasının iki tədqiqat institutu və Zhuhai Orbita Control Systems daxildir. Vurğulanır ki, indi ixrac üçün lisenziya ərizələrinə baxılarkən bu təşkilatlara “imtina prezumpsiyası” tətbiq olunacaq.
