Əfqanıstanın paytaxtı Kabildə partlayış baş verib. 

"Unikal" xəbər verir ki, Taliban administrasiyasının Kabil Polis İdarəsinin sözçüsü Xalid Zadran mətbuata verdiyi açıqlamada Kabilin Dehmezenq rayonunda restoranın yaxınlığında bombalı hücumun həyata keçirildiyini bildirib.

Hücumda 3 nəfərin həyatını itirdiyini ifadə edən Zadran 13 nəfərin yaralandığını bildirib.

Hadisə şahidlərinin sözlərinə görə, hücum Elektrik Paylayıcı Şirkətinin (Birişna) əməkdaşları restorana yemək yeməyə gələn zaman baş verib.

Partlayışın baş vermə səbəbi araşdırılır.