Xabarovsk diyarının hərbi komissarı Yuri Layko tutduğu vəzifədən uzaqlaşdırılıb.

"Unikal" Rusiya KİV-ə istinadən xəbər verir  ki, bu barədə vilayət qubernatoru Mixail Deqtyarev məlumat verib.

Onun sözlərinə  görə, Yuri Layko “qismən səfərbərlik zamanı yol verdiyi səhvlərə görə” vəzifəsindən azad edilib. 

Belə ki, 10 gün ərzində bir neçə min rayon sakini çağırış vərəqəsini alıb və hərbi komissarlıqlara gəlib. Onların təxminən yarısı hərbi xidmətə seçim meyarlarına uyğun gəlmədiyi üçün geri qaytarılıb. 

Bundan əvvəl Maqadan vilayətinin hərbi komissarı Sergey Baranovski də “qismən səfərbərlik zamanı yol verdiyi səhvlərə görə” vəzifəsindən azad edilib. O, Putinin sentyabrın 21-də elan etdiyi səfərbərlik kampaniyası başlayandan bəri vəzifəsini itirən ilk hərbi komissar olub.

Gülayə  Mecid