Avropa İttifaqı 141 nəfəri və 47 təşkilatı Rusiya əleyhinə məhdudiyyətlər siyahısına daxil etmək niyyətindədir.

"Unikal" xəbər verir ki, bu barədə Macarıstanın xarici işlər naziri Peter Szijarto bildirib. 

“Bu yeni paketdə 141 şəxs və 47 təşkilata qarşı sanksiya nəzərdə tutulur.

Szijjarto izah etdi ki, Macarıstan tərəfi açıq rəsmi rabitə kanallarını saxlamaq üçün bir sıra şəxslərin məhdudiyyətlər paketindən çıxarılmasının tərəfdarıdır.

Bundan əvvəl Aİ-nin xarici işlər və təhlükəsizlik siyasəti üzrə ali nümayəndəsi Josep Borrell bildirmişdi ki, Aİ ölkələri Aİ xarici işlər nazirlərinin Brüssel görüşündən əvvəl  Rusiyaya qarşı doqquzuncu sanksiyalar paketi ilə bağlı razılığa gələ bilməyiblər. O qeyd edib ki, günün sonuna qədər razılaşmalar əldə oluna bilər, halbuki "bu, asan olmayacaq, çünki fərqli fikirlər var".

Bloomberg qeyd edib ki, anti-Rusiya sanksiyaları Aİ iqtisadiyyatının sektorlarının yalnız kiçik bir hissəsinə təsir edib, Avropa regionu ölkələri isə onlardan dəyən zərərin ödənilməsi üçün 525,5 milyard avro (554 milyard dollar) xərcləyib. Rusiyanın cavab məhdudiyyətləri Aİ iqtisadiyyatına daha çox təsir edib. Məsələn, çiplərin istehsalı üçün lazım olan neon və ksenon kimi nadir qazların tədarükü kəskin şəkildə azalıb.