ABŞ yaxın günlərdə və həftələrdə  Ukraynaya yeni silahlar göndərməyi planlaşdırır. 

"Unikal" xəbər verir ki, bu barədə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi brifinq zamanı bildirib .

Onun sözlərinə görə, son bir neçə həftə Ukraynanın şərqində xüsusilə şiddətli olub. Vaşinqton hesab edir ki ,  hərbi əməliyyatlar uzun müddət davam edəcək, bu baxımdan Kiyev təhlükəsizlik sahəsində yardım almağa davam edəcək.

Yanvarın 4-də Ukraynanın xarici işlər naziri Dmitri Kuleba ABŞ-ın Kiyevə “Patriot” hava hücumundan müdafiə sistemlərinin təhvil verilməsi üçün artıq hazırlıqlara başladığını bildirib .

Hazırda Ukraynada Rusiya Federasiyası Silahlı Qüvvələrinin xüsusi əməliyyatı davam edir . Bu barədə fevralın 24-də Rusiya prezidenti Vladimir Putin məlumat verib . Onun sözlərinə görə, hərbi əməliyyatın məqsədi qonşu ölkəni demilitarizasiya etmək və onun hakimiyyətini denazifikasiya etməkdir.

Əməliyyatın keçirilməsi qərarı ABŞ və müttəfiqlərinin Rusiyaya qarşı yeni sanksiyalarının səbəbi olub.