Ukrayna prezidenti Volodimir Zelenski Kiyevdə İsveçin baş naziri Ulf Kristerssonla  görüşüb .

"Unikal" xəbər verir ki, bu barədə Ukrayna liderinin Telegram kanalında mesaj yayılıb.

“Bu gün İsveçin baş naziri Ulf Kristerssonu Ukraynada salamlayıram”, – Zelenski yazıb.

Ukrayna prezidenti öz paylaşımında isveçli siyasətçi ilə görüşün videosunu da yayıb.

Yanvarın əvvəlində Kristerssonla onlayn görüşdən sonra Zelenski Ukraynanın Avropa İttifaqına daxil olması ilə bağlı danışıqların başlanmasına ümid  etdiyini bildirib . Ukrayna lideri həmçinin şəxsi görüş zamanı İsveçin baş nazirini dialoqu davam etdirmək üçün Kiyevə dəvət edib.

Fevralın 15-də Aİ ölkələrinin Daimi Nümayəndələri Rusiyanın dondurulmuş aktivlərinin Ukraynanın maraqları naminə istifadəsi üzrə xüsusi işçi qrupunun yaradılmasını təsdiqləyiblər .

Bundan əvvəl Ulf Kristersson bildirmişdi ki, Aİ Rusiya Federasiyasının dondurulmuş aktivlərindən istifadənin hüquqi şərtlərini təhlil etmək üçün xüsusi qrup yaradacaq.