Birləşmiş Millətlər Təşkilatı (BMT) Türkiyədə zəlzələlərin vurduğu zərərin 100 milyard dolları keçdiyini açıqlayıb.

"Unikal" xəbər verir ki, BMT-nin İnkişaf Proqramının (UNDP) Türkiyə Rezident Nümayəndəsi Luiza Vinton Qaziantepdən videokonfrans vasitəsilə BMT-nin Cenevrə ofisində keçirilən həftəlik mətbuat konfransında iştirak edib.

Fevralın 6-da baş verən zəlzələlərdən bir ay keçdiyini qeyd edən Vinton, zəlzələ nəticəsində bölgədə 2,7 milyon insanın məcburi köçkün olduğunu, 600 minə yaxın bina və ya iş yerinin dağıldığını bildirib.

"Bu günə qədər aparılan hesablamalara görə, hökumətin təqdim etdiyi və beynəlxalq tərəfdaşlar tərəfindən dəstəklənən zərərin məbləğinin 100 milyard dolları keçəcəyi təxmin edilir", - Vinton bildirib.

Nümayəndə Vinton qeyd edib ki, zəlzələ bölgəsində aparılan bərpa işləri həyatın normallaşması üçün kritik əhəmiyyət kəsb edir.

Fəlakətin ölçülərinin görünməmiş səviyyədə olduğunu bildirən Vinton, "İnsanların evləri, xəyalları, xatirələri, hər şey dağıntılar içində qaldı. Amma o qədər böyük bir fəlakət oldu ki, 100 milyon kubmetr dağıntı yarandı və bu, böyük məbləğdir”.

Vinton, "Beynəlxalq ictimaiyyətə mesajımız bu fəlakətin miqyasını anlamaqdır. BMT-nin baş katibi Antonio Quterreşin dediyi kimi, indi Türkiyənin illərdir suriyalılara göstərdiyi səxavəti Türkiyəyə göstərməyin vaxtıdır. Bu, çox böyükdük dağıntıdır. Onun tikintisinin maliyyələşdirilməsi və ya dəstəklənməsi baxımından deyil, cəmiyyətin normal vəziyyətə qaytarılması baxımından mühüm əhəmiyyət kəsb edir. Bölgənin yenidən inkişafını dəstəkləmək üçün bir çox maliyyə mexanizmləri də mövcuddur” - qiymətləndirmə aparılmışdı.