Bu gün NATO-nun Baş katibi Yens Stoltenberq Türkiyə, Finlandiya və İsveç hökumətlərinin nümayəndələrini bir araya toplayıb.

"Unikal" xəbər verir ki, bu barədə təşkilatın yaydığı bəyanatda bildirilir.

Stoltenberq iclas zamanı deyib ki, Finlandiya və İsveç Türkiyənin qanuni təhlükəsizlik narahatlıqlarını aradan qaldırmaq üçün vacib addımlar atıblar: "İndi bütün Müttəfiqlərin ratifikasiya prosesini başa çatdırmasının vaxtıdır".

Görüş zamanı Türkiyə, Finlandiya və İsveç nümayəndələri üçtərəfli memorandumun həyata keçirilməsi üçün atılan addımları müzakirə ediblər. 

Türkiyə, Finlandiya və İsveç NATO-nun Vilnüs Sammitinə qədər yenidən görüşmək barədə razılığa gəliblər.