"2019-cu ildən sonra BMT-də Gürcüstan məsələlərinə dair səsvermə zamanı İrəvanın mövqeyi dəyişib".
"Unikal" xəbər verir ki, bunu Ermənistanın baş naziri Nikol Paşinyan canlı yayımda vətəndaşların suallarını cavablandırarkən deyib .
O, bildirib ki, Ermənistan Gürcüstanın birliyini, ərazi bütövlüyünü və müstəqilliyini tam dəstəkləyir. İştirakçılardan biri baş nazirdən İrəvanın “Rusiyanın Abxaziya və Cənubi Osetiyanı işğalını” tanıyıb-tanımayacağını soruşub.
Paşinyan diqqəti ona yönəldib ki, 2019-cu ildən sonra Ermənistan BMT-də Gürcüstanla bağlı məsələlərlə bağlı səsvermə zamanı davranışını müəyyən mənada dəyişib və bununla bağlı rəsmi Tbilisi öz məmnunluğunu bildirib.
Xatırladaq ki, Gürcüstan 2008-ci ildən hər il “Abxaziya və Cənubi Osetiyadan olan məcburi köçkünlərin və qaçqınların vəziyyəti haqqında” qətnamənin qəbul edilməsi təşəbbüsü ilə çıxış edir. 2019-cu ilə qədər Ermənistan həmişə onların qəbul edilməsinin əleyhinə səs verib, çünki yuxarıda qeyd olunan vəziyyət Qarabağda yaranmış vəziyyətə uyğun gəlirdi. Xüsusilə, Gürcüstanın təqdim etdiyi qətnamə Abxaziya və Cənubi Osetiyadan olan qaçqınların təhlükəsiz və maneəsiz öz evlərinə qayıtmasını tələb edir. Qətnamənin elə adında Abxaziya və Cənubi Osetiya Gürcüstanın əraziləri, həll olunmamış münaqişələr isə GUAM regionunun (Gürcüstan, Ukrayna, Azərbaycan, Moldova) münaqişələri adlanır.
2019-cu ildə ilk dəfə olaraq Ermənistan Gürcüstanın təşəbbüsü ilə qəbul edilmiş qətnamənin əleyhinə səs vermədi, İrəvan isə səsvermədə bitərəf qaldı. Bu, “İrəvanın Tiflislə münasibətlərin yaxşılaşdırılması istiqamətində” jesti kimi qiymətləndirilib.
