İranın Ali Milli Təhlükəsizlik şurası Əfqanıstan vətəndaşlarının ölkənin 16 vilayətinə girişini, məskunlaşmasını və işlə təmin olunmasını qadağan edib.

"Unikal" xəbər verir ki, Kirmanşah valiliyinin xarici vətəndaşlar və mühacir işləri üzrə baş direktoru Həmzə Süleymani “İSNA” agentliyinə müsahibəsində belə məlumat açıqlayıb.

Məlumata görə, Şərqi və Qərbi Azərbaycan, Ərdəbil, Zəncan, Kürdüstan, Gilan, Mazandaran və Sistan və Bəlucistan vilayətləri Əfqanıstan vətəndaşlarının qalması qadağan edilən vilayətlər sırasındadır.