İtaliyanın paytaxtı Romada güclü yanğın baş verib.

"Unikal" xəbər verir ki, yanğın nəticəsində sakinlər küçələrə axışıb, dörd bina və “Rai” televiziyasının inzibati binası boşaldılıb. “Rai1” kanalında yayıma fasilə verilib. Piazzale Klodio ərazisində əsas yollar bağlanıb. Park edilmiş bəzi avtomobillər qismən yanıb.

Əraziyə on yanğınsöndürmə briqadası, mülki müdafiə qüvvələrinin könüllüləri və üç helipokter cəlb olunub.

Yüksək temperatur və külək alovun geniş əraziyə yayılmasına səbəb olub.

Roma meri Roberto Qualtieri bildirib ki, yanğın Monte Mario təpəsinin yamaclarındakı alovdan qaynaqlanıb.