Brüs Linin müəmmalı ölümünün səbəbi 51 il sonra üzə çıxıb.

"Unikal" xəbər verir ki, bu barədə "Clinical Kidney Journal"da məqalə dərc olunub. Madrid Elmi İnstitutundan Prisçilla Villavalso və komandası iddia edib ki, döyüş ustasının ölümünə ağrıkəsici və ya mafiyanın sifarişi səbəb olmayıb. 

Tibbi ekspertizanın nəticələrinə əsasən, Brüs Lidə nadir bir xəstəlik - hiponatremi müəyyən edilib. Bu xəstəlik səbəbindən böyrəklər bədəndən artıq suyu çıxara bilməyib və çoxlu maye yığılıb. Bu isə 20 iyun 1973-cü ildə Brüsün beyninin şişməsinə və ölümünə səbəb olub.