Yevlaxda baş verən yol qəzasında ağır yaralanan qadın dünyasını dəyişib.

"Unikal"ın məlumatına görə, hadisə Mingəçevir-Bəhramtəpə yolunun Tanrıqullar kəndinin yaxınlığından keçən hissəsində baş verib.

1992-ci il təvəllüdlü Yevlax rayon sakini Nəsibov Elvin Elcan oğlunun idarə etdiyi minik avtomobilinin idarəetmədən çıxaraq qəzaya uğraması nəticəsində sürücü, 2003-cü il təvəllüdlü həyat yoldaşı Nəsibova Sənubər Sahəddin qızı və onun 2020-ci il təvəllüdlü oğlu Nəsibov Elcan Elvin oğlu müxtəlif dərəcəli bədən xəsarətləri alıb. Onlar xəstəxanaya çatdırılıb.

Həkimlərin cəhdlərinə baxmayaraq, Sənubər Nəsibovanın həyatını xilas etmək mümkün olmayıb. O, xəstəxanada dünyasını dəyişib.

Faktla bağlı araşdırma aparılır.

Ehtiram Muradov