Xaçmaz rayonunun Qalağan, İstisu, Xaspoladoba, Canaxır kəndələrində və Quba rayonunun isə Küsnət kəndi ərazisində açıq ərazidə yanğın baş verib.

Bu barədə "Unikal"a Fövqəladə Hallar Nazirliyindən (FHN) məlumat verilib.

Bildirilib ki, FHN-in Dövlət Yanğından Mühafizə Xidmətinin Xaçmaz, Şabran və Quba rayonlarının Yanğından Mühafizə hissələrinin qüvvələri yanğınların söndürülməsinə cəlb olunub.

Xaçmaz rayonunun Xaspoladoba kəndi və İstisu qəsəbəsi ərazisindəki yanğınlar havanın küləkli olmasına baxmayaraq genişlənməsinə imkan verilmədən qısa müddətdə söndürülüb.

Əməliyyat şəraitinə uyğun olaraq hazırda digər yanğınların söndürülməsi istiqamətində tədbirlər davam etdirilir. 

FHN bir daha əhaliyə müraciət edərək, hazırda bəzi ərazilərdə müşahidə olunan küləkli hava şəraitini nəzərə alaraq yanğın təhlükəsizliyi qaydalarına ciddi riayət etməyə çağırıb.

XXX

14:59

Xaçmazda güclü yanğın başlayıb 

"Unikal"ın Şimal bürosunun məlumatına görə, Xaçmaz rayonunun müxtəlif ərazilərində yanğın başlayıb. Belə ki, Xaspoladoba, Qalağan, Canaxır kəndlərində, İstisu qəsəbəsində kol-kos və qamışlıq ərazilərdə yanğın baş verib. Ərazilərə FHN-nin Xaçmaz, Quba və Şabran rayonlarının yanğınsöndürən briqadaları cəlb olunub. Yanğın ocaqlarının söndürülməsi istiqamətində işlərə başlanılıb. Güclü külək yanğının söndürülməsinə çətinlik yaradır.

Asiman Qaraca