Ağstafa Rayon İcra Hakimiyyətinin təşkilatçılığı ilə Azərbaycanın Milli Qəhrəmanı, şəhid, kapitan Rafiq Cəfər oğlu Alıcanovun 60 illik yubileyi qeyd edilib.Tədbirdən öncə Milli Qəhrəman Rafiq Alıcanovun büstü önünə gül dəstələri düzülüb.

"Unikal" xəbər verir ki, Ağstafa rayon Mədəniyyət Mərkəzində davam etdirilən tədbirdə Azərbaycan Respublikasının dövlət himnin səsləndirilib, Ulu Öndər Heydər Əliyevin və Vətən uğrunda canından keçən şəhidlərimizin əziz xatirəsi bir dəqiqəlik sükutla yad edilib.

Ssenari müəllifi və rejissoru Kəmalə Musazadə, icraçı prodüseri Azad Axundov, prodüseri Nazim Hüseynov olan Azərbaycanın Milli Qəhrəmanı Alıcanov Rafiq Cəfər oğlunun həyatına və Qarabağ müharibəsində keçdiyi şərəfli döyüş yoluna həsr olunmuş “Oğuz elinin qəhrəmanı” adlı film nümayiş olunub.

Filmin nümayişindən sonra Ağstafa RİH başçısı Seymur Orucov bildirib ki, belə tədbirlərin keçirilməsinixüsusi əhəmiyyətə malikdir. Torpaq uğrunda canlarından keçən qəhrəmanlarımız hər zaman diqqət mərkəzində saxlanılmalı və onlar gənclərə örnək olaraq göstərilməlidir: "Bizlərin hər biri onların göstərdikləri şücaətləri, qəhrəmanlıqları yadda saxlamalı və gənc nəslə çatdırmalıyıq.

 “Oğuz elinin qəhrəmanı” adlı filmin ssenari müəllifi və rejissoru Kəmalə Musazadə, Milli Qəhrəmanın döyüş yoldaşları Səməd Adil və Əmrah Məmmədov Azərbaycanın Milli Qəhrəmanının şəxsi igidliyi, şücaətlə xidməti borclarının yerinə yetirilməsindən bəhs ediblər.

Sonda Azərbaycanın Milli Qəhrəmanının ailəsi adından çıxış edən övladı Elvin Alıcanov göstərilən diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya təşəkkürlərini çatdırıb.