Ötən il 300 nəfərə yaxın Qarabağ müharibəsi əlili və şəhid ailəsi nazirlik tərəfindən müasir tələblərə uyğun inşa olunmuş mənzillərlə təmin edilib. Son illərdə Sumqayıt şəhərində də müvafiq işlər aparılıb.
Unikal.org-un məlumatına görə, bu sözləri Sumqayıtda vətəndaşları qəbul edən Əmək və Əhalinin Sosial Müdafiəsi naziri Səlim Müslümov deyib.
Nazir qeyd edib ki, bu istiqamətdə artıq müvafiq addımlar atılıb: "1 yanvar 2014-cü il tarixə təkcə Sumqayitda 134 nəfər bu kateqoriyadan ev növbəsində dayanan şəxslər var. Onlardan yaxın vaxtlarda 5 nəfərinə mənzillər təqdim olunacaq. Növbəti vəsait ayrildiqda siyahi üzrə bu proses davam etdiriləcək. Bu say 2014-cü ildən keçən 3 il ərzində artib və artiq ötən ilin ortalarına 203 nəfərə çatıb.
Ötən ildə məşqulluq orqanları tərəfindən əvvəlki illərlə müqayisədə 2 dəfədən çox, yəni 56631 nəfər münasib işlə təmin olunub. Onlardan 3805 nəfəri Sumqayıt şəhərinin, Abşeron, Xızı, Qubadlı rayonlarının sakinləri olub. Bu bölgələr üzrə 144 nəfər peşə hazırlığı və əlavə təhsil kurslarına cəlb edilib.
Prosesin davamı olaraq bölgələrdən 1800 nəfər insan seçilərək iki aylıq kurslara cəlb olunub. 1600 nəfər insan isə bu təlim kurslarında öz biznes planlarını uğurla müdafiə ediblər."
Nazir deyib ki, artıq biznes planların maliyyələşdirilməsinə başlanılıb:
"İlk olaraq Tərtər, Laçın, Hacıqabul rayonlarında müvafiq tender əsasinda mal-qara heyvandarlıqla məşğul olanlara, eləcə də kompyuter sinifi açanlara kompyuterlər, avtomobil yuma mərkəzi açanlara lazim olan avadanlıqların verilməsi prosesinə start verilib. Hazırda proses davam edir. Artıq 7 rayon üzrə 79 ailə bu prosesdə iştirak edib.
Qeyd edək ki, bu proses 1 il ərzində məşğulluq mərkəzləri tərəfindən nəzarətdə saxlanılacaq və monitorinqlər aparılacaq. Ötən müddətdə bu biznes normal həyata keçirilərsə həmin materiallar ailəyə bağışlanacaq."