Daha bir azərbaycanlı güləşçi Rumıniyanın paytaxtı Buxarestdə keçirilən Avropa çempionatında Ermənistan təmsilçisini məğlub edib.

Unikal.org xəbər verir ki, 70 kq çəki dərəcəsində mübarizə aparan Ağahüseyn Mustafayev 1/4 finalda dünya və Avropa çempionu David Safaryana qalib gəlib. İlk hissəni 6:2 hesablı üstünlüklə tamamlayan Mustafayev, ikinci hissədə daha 6 xal qazanaraq, vaxtından əvvəl qələbə qazanıb. 

Mustafayev yarımfinalda Çaba Vida (Macarıstan) – Nikolae Kojokaru (Böyük Britaniya) cütünün qalibi ilə üz-üzə gələcək.

Daha əvvəl Hacı Əliyev 1/8 final mərhələsində Ermənistanın digər təmsilçisi Vazgen Tevanyanı məğlubiyyətə uğradaraq 1/4 finalda rusiyalı Naçın Kuulara rəqib olub.