Samsunda gəlin mübahisə etdiyi 92 yaşlı qayınanasını dəyənəklə döyüb və qolunu qırıb.
Unikal.org Türkiyə mətbuatına istinadən xəbər verir ki, 65 yaşlı M.T həyat yoldaşı ilə birlikdə yaşadığı Fransadan ölkəsinə gedib. İddialara görə, gəlin həyat yoldaşı evdə olmadığı zaman qayınanası H.T-nin evinə gedib. Bu zaman onlar arasında borc pul üzündən mübahisə düşüb. M.T. qayınanansını dəyənəklə döyməyə başlayıb.
Yaralanan H.T hadisə yerinə gələn təcili yardım maşınıyla xəstəxanaya aparılıb. Onun qolunun qırıldığı və bədəninin müxtəlif nahiyələrində zərbə izi olduğu görülüb.
Hadisədən sonra saxlanılan gəlin polis bölməsinə aparılıb. İfadə verdikdən sonra sərbəst buraxılan qadın həyat yoldaşı ilə birlikdə Fransaya qayıdıb.
