Bakıda keçirilən XV Avropa Gənclər Yay Olimpiya Festivalında (EYOF) cüdo yarışları davam edir. Azərbaycan cüdoçusu Hüseyn Məmmədov final görüşünə çıxıb.

Unikal.org-un məlumatına görə, 90 kq-dan yuxarı çəki dərəcəsində mübarizə aparan idmançı həlledici görüşdə rusiyalı Axmed Maqomadovla üz-üzə gəlib. Cərimə xalları hesabına rəqibinə qalib gələn Məmmədov qızıl medal qazanıb.

81 kq-dakı Məhərrəm İmamverdiyev isə bürünc medal əldə edib. O, üçüncü yer uğrunda dueldə israilli İftaç Badaşdan güclü olub.

Qeyd edək ki, Azərbaycan cüdoçuları əvvəlki iki gündə 1 qızıl, 1 gümüş və 2 bürünc medal əldə ediblər. Beləliklə, çüdoçular fərdi mübarizədə EYOF-u 2 qızıl, 1 gümüş və 3 bürünc medalla başa vurublar.

Sabah cüdo idman növündə komanda yarışları baş tutacaq.